Batzar Nagusiek onetsitako Bizkaiko Irisgarritasun Plan Berezia 2003 delakoaren barruan sortu zen Bilboko Metropoliko Hegoaldeko Saihesbidea.

Metropoliko Hegoaldeko Saihesbidea A-8 autobidearen aukerako bidetzat planteatu zen da Pobeñako Biaduktuaren (Muskiz) eta Kortederra aldearen artean (Galdakao eta Zornotza udalerrien mugan). Guztira 36 kilometro luze da.

Lehengo fasea Santurtziko lotunetik Larraskituraino hedatu da, Ekialdeko Saihesbidearen egungo lotunearen parean. Guztira 16 km dira. Lehen fase honetan, irtenbidea eman nahi zaie A-8 autobideko Sestaoren eta Bilbora Sabino Aranatik sartzeko bidearen arteko zatian egun dauden eguneroko trafiko pilaketen arazoei.

Hegoaldeko Saihesbide Metropoliarra 1. fasea Santurtzin hasiko da (Ugadelbietako zerbitzugunea igarota), eta Arrigorriagako Goiko Bentara iritsiko da. Bi azpifasetan banatuta dago:

• 1.a fasea (Santurtzi eta Larraskitu artean) 2007ko maiatzean hasi zen gauzatzen eta 2011ko irailetik dago irekita.
• 1.b fasea (Peñascaletik Benta Garaira), 2019ko urtarrilean hasi ziren egikaritzen, eta 2023ko udaberrian jarriko zen martxan.

Hori gauzatuta, 1. faseko helburu nagusia beteko da: A-8 autobideko bidegunerik pilatuenarentzako bide funtzional eta seguru bat sortzea alternatiba gisa. Eremu hori portuko lotunearen eta AP-68 autobidearen arteko tartea da.

Bizkaiko Errepideen Planaren helburu orokorrak ere lortuko dira:

• Metropoliko bide-sarearen funtzionamendua optimizatzea.
• Ingurumena eta natura-balioak errespetatzea bizi-kalitatea bermatzen duten mailetan, pilaketak, kutsadura-indizea eta zarata murrizteko.
• Istripu-tasa murriztea, istripuen kontzentrazio-tarteak kenduta.
• Eta eskaria kudeatzeko eta trafikoa kontrolatzeko beste sistema bat ematea.