Otsailaren 3tik aurrera Artxandako tunela itxita egongo da sei hilabetez Ugasko eta Txorierri artean.

Itzuli

2026(e)ko Urtarrilak, 26

Azpiegituretarako eta Lurralde Garapenerako foru sailak, Interbiaken bitartez, azpiegitura berritzeko eta egokitzeko lanen II. fasea hasten du.

Konexioa Bilbotik La Salbe-Txorierriko 1. tuneletik eta Enekuriko eta Santo Domingoko ohiko sarbideetatik egingo da.

Foru Aldundiko Azpiegituretarako eta Lurralde Garapenerako Sailak otsailaren 3ko 23:00etatik aurrera erabat itxiko du, sei hilabetez,  Artxandako tuneletako Ugasko (Deustu) eta Txorierri tarteko trafikoa. Arrazoia azpiegitura berritzeko eta egokitzeko lanen bigarren fasearen hasiera da; fase hau zazpi hilabetez luzatuko da, baina trafikoari eragingo dioten eragin nagusiak lehen seietan kontzentratuko dira.

Interbiak sozietatea arduratuko da 12,8 milioi euroko inbertsioa izango duten lanak egiteaz; lan hauen xedea metropoli-ingurunearen mugikortasunerako azpiegitura estrategiko honen segurtasuna, eraginkortasuna eta jasangarritasuna indartzea da.

Jarduketaren barruan estalduraren iragazgaiztea hobetuko da, osorik berrituko dira aireztapen- eta argiteria-sistemak eta egungo argiztapenaren ordez kontsumo txikiko LED teknologia instalatuko da. Era berean, segurtasun-sistema berriak jarriko dira: intzidenteen detekzio automatikoa, gas-detektagailuak eta eguzki-plaken bidezko energia-kudeaketako sistemak.

Gainera fase honetan berrikuntzako bi proiektu pilotu jarriko dira martxan:

• Tuneletako BIM as built eredu digitala sortzea, azpiegituraren erregistro digital osoa izateko.

• Drainatze-sistema jasangarri berria garatzea, inguruko ibai-ibilguetako jariatze-uren inpaktua minimizatzeko diseinatua.

2002tik martxan dauden Artxandako tunelek Bilbo Txorierri eskualdearekin, aireportuarekin eta Bizkaiko Parke Teknologikoarekin lotzen dute, eta batez beste 30.000 ibilgailuk erabiltzen dituzte egunero. Tunelen eraberritzea oso konplexua da teknikoki eta logistikoki, azpiegitura oso garrantzitsua baita metropoliko bide-sarean.

2. tunela (Ugasko – Txorierri) itxita egongo den  bitartean Bilbo eta Txorierri arteko lotura 1. tunelaren bidez (La Salbe – Txorierri) eta Enekuriko eta Santo Domingoko ohiko sarbideen bidez egingo da.

Esku-hartze honek jarraipena ematen die 2024an Ugasko eta La Salbe arteko 3. tunelean hasitako lanei, eta Artxandako hiru hodiak modernizatzeko plan integrala osatuz La Salbe – Txorierri arteko 1. tunelean egingo den jarduketaren aurretik burutzen da.

Otsailaren 3tik aurrera Artxandako tunela itxita egongo da sei hilabetez Ugasko eta Txorierri artean.(e)ko argazki 1

Edozein zalantza izanez gero, jarri harremanetan formularioaren bidez.

Jarri harremanetan gurekin