Bizkaiko Foru Aldundiak Gustav Lindenthal domina ospetsua jasoko du lurraldearentzat estrategikoa den azpiegitura honengatik. Zubibideak lorpen nabarmena izan dira zubi-ingeniaritzan eta saria, aurretik, Frantziako Millauko zubibideak edo Suedia eta Danimarka lotzen dituen Oresund zubiak jaso zuten. Saria ekainaren 4an emango da Texasen (Estatu Batuak) egingo den Zubien Nazioarteko Kongresuan. Bolintxuko zubibideek Hegoaldeko Saihesbidea eta AP-68 autobidea lotzen dituzte eta funtsezko azpiegitura dira Bizkaiko mugikortasunerako.

Bolintxuko Zubibideek

Bolintxuko Zubibideek Gustav Lindenthal domina jasoko dute ekainaren 4an Texasko San Antonio hirian (Estatu Batuak). Domina hori Zubien Nazioarteko Kongresuak ematen du eta aurretik lan enblematikoek jaso zuten, hala nola Frantziako Millauko Zubibideak edo Suedia eta Danimarka lotzen dituen Oresund Zubiak. Bolintxuko Zubibideen diseinua eta eraikuntza aparteko ingeniaritza-erronka izan dira, orain bai berrikuntza teknikoa eta materiala, bai obraren ingurumenarekiko harmonia aintzatesten dituen sari honek aitortzen dituena. Obra hau Bizkaiko Foru Aldundiko Azpiegituretarako eta Lurralde Garapenerako Sailak sustatu zuen; zubibideek Bilboko Hegoaldeko Saihesbide Metropolitarra osatzen dute eta Hegoaldeko Saihesbidea eta AP-68 autobidea lotzen dituen Bizkaiko mugikortasunerako azpiegitura estrategikoa dira.

Diseinuaren zailtasun tekniko handiak eta hura gauzatzeko inplementatutako eraikuntza-prozedura espezializatu eta berritzaileek egitura erabat integratua eta eraikuntza prozesu osoan zehar mantendu eta jagon zen haraneko ingurune kaltebera eta zaurgarria erabat errespetatzen duena izatea eragin dute. Horrela, Bolintxuko harana Arnotegi eta Seberetxeko tunelak lotzen dituzten bi egitura paralelok zeharkatzen dute. Ingurune naturalarekiko begiruneren eta bi mendi-hegalen arteko espazio mugatuaren ondorioz konponbidea egitura berezia izan zen, jaitsieraren metodoaren bidez eraiki ziren arku konposatu lirainetan gauzatu zena.

Egitura guztia egurats gorriarekiko erresistentea den altzairuzkoa da, korrosioarekiko erresistentzia handia duena, eta horrek nabarmen murrizten ditu mantentze-kostuak. Obra egiteko segurtasun-neurri zorrotzak hartu eta bete ziren, oso konplexua zelako; izan ere, eraikuntza-erronka handia planteatzen zuen oso espazio mugatuan behin-behineko euskarriak debekatuta baitzeuden.

Zubibideak altxatzeko ingeniaritzan, egituren diseinuan, instrumentazioan, altuerako lanetan, topografian, dronen hegaldian eta eusteko sistema hidraulikoetan merkatuan dauden aditu onenak izan ziren. Bizkaiko Foru Aldundiak sustatutako obrak Arenas y Asociados ingeniaritza-enpresak diseinatu ditu, eta eraikuntza Excavaciones Cantábricas, Gaimaz, Campezo  eta Geotúnel enpresek osatutako Aldi Baterako Enpresa Elkarteak egin du.

Ameriketako Estatu Batuetako Zubien Nazioarteko Kongresua

Aintzatespen hau ematen duen Zubien Nazioarteko Biltzarra (International Bridge Conference) zubien arloko munduko gertaera garrantzitsuenetako bat da. Kongresuak urtero zubi-industriako 1.000 profesional baino gehiago, ingeniaritzaren munduko ordezkariak, administrazio publikoetakoak, kontratistak eta hornitzaileak biltzen ditu.

Bolintxuko bidezubiak, Metropoliaren Hegoaldeko Saihesbidea